മാധവിക്കുട്ടി - വിശുദ്ധ പശു

മാധവിക്കുട്ടി - വിശുദ്ധ പശു(കഥ)

ഒരു ദിവസം ഒരു കുട്ടി റോഡിന്റെ വശത്തുള്ള കുപ്പത്തൊട്ടിയിൽ നിന്നും പഴത്തൊലി
പെറുക്കി തിന്നുമ്പോൾ ഒരു പശു അവന്റെയടുക്കൽ വന്ന്
ഒരു പഴത്തൊലിയിൽ കടിച്ചുവലിച്ചു.
അവൻ പശുവിനെ തള്ളിനീക്കി ,
പശു ഉറക്കെ കരഞ്ഞുകൊണ്ട് റോഡിൽകൂടി ഓടി.
സന്ന്യാസിമാർ ഉടൻ പ്രത്യക്ഷപ്പെട്ടു.
വിശുദ്ധ മൃഗമായ പശുവിനെ നീയാണോ ഉപദ്രവിച്ചത് ?
അവർ കുട്ടിയോട് ചോദിച്ചു.
ഞാൻ തിന്നിരുന്ന പഴത്തോൽ പശു തട്ടിപ്പറിച്ചു.
അതുകൊണ്ട് അതിനെ ഞാൻ ഓടിച്ചതാണ് ,കുട്ടി പറഞ്ഞു.
നിന്റെ മതമേതാണ് ? സന്ന്യാസിമാർ ചോദിച്ചു.
മതം ? അത് എന്താണ് കുട്ടി ചോദിച്ചു ?
നീ ഹിന്ദുവാണോ ? നീ മുസ്ലീമാണ് ? നീ ക്രിസ്ത്യാനിയാണോ ?
നീ അമ്പലത്തിൽ പോകാറുണ്ടോ ?
പള്ളിയിൽ പോകാറുണ്ടോ ?
ഞാൻ എങ്ങോട്ടും പോകാറില്ല
കുട്ടി പറഞ്ഞു.
അപ്പോൾ നീ പ്രർത്ഥനയിൽ വിശ്വസിക്കുന്നില്ലെ ? അവർ ചോദിച്ചു
ഞാൻ എങ്ങോട്ടും പോകാറില്ല കുട്ടി പറഞ്ഞു.
എനിക്ക് കുപ്പായമില്ല .ട്രൗസറിന്റെ പിറകുഴശം കീറിയിരിക്കുന്നു.
സന്ന്യാസിമാർ അന്യോനം സ്വകാര്യം പറഞ്ഞു.
നിങ്ങൾ പശുവിന്റെ ഉടമസ്ഥരാണോ ?കുട്ടി ചോദിച്ചു.
സന്ന്യാസിമാർകുട്ടിയുടെ കഴുത്ത് ഞെരിച്ച് അവനെ കൊന്ന് .
ആ കുപ്പത്തൊട്ടിയിലിട്ടു.
സന്ന്യാസിമാർ ഓം സമശ്ശിവായ,
അങ്ങയുടെ തീരുമാനം വാഴത്തപ്പെടട്ടെ
(മാധവിക്കുട്ട)